LEONHARD EULER (1707 - 1783)

Leonhard Euler naceu en Basilea en 1707, o seu pai, pastor calvinista, inscribiuno na universidade de Basilea para cursar estudos de teoloxía, humanidades clásicas e linguas orientais, pero o seu interese enfocouse cara ás matemáticas. Tanto que conseguiu recibir unhas clases particulares do gran matemático Johann Bernoulli, quen recoñeceu desde o principio o gran talento do mozo. Con 19 anos publica a súa primeira memoria científica, que trataba sobre a distribución óptima de mastros e velas nos barcos, que presentou á Academia de París, a pesar de que Euler, non vira un barco de vela na súa vida. Nesta ocasión non obtivo o premio que concedía a Academia, tan só unha mención honorífica. Pero a Academia acabaría rendida aos méritos de Leonhard concedéndolle ata doce premios ao longo da súa vida.

A súa vida científica repártese entre San Petersburgo e Berlín. A pluma de Euler durante os 14 anos que vai durar a súa primeira estancia en San Petersburgo non vai ter nin un día de descanso. Neses anos publicará máis de 100 memorias e artigos sobre os temas máis diversos. A última etapa da súa vida, completamente cego, foi aínda máis produtiva.

A súa figura faise xigantesca cando nos mergullamos en calquera rama das matemáticas. A cantidade e a importancia dos seus descubrimentos fannos dubidar ás veces que poidan ser obra dunha soa persoa, non en balde o cualificaron como "o matemático máis prolífico de todos os tempos". Ao longo da súa vida publicou máis de 500 traballos, entre libros e artigos, alcanzando con publicacións póstumas a cifra de 886 traballos.

Hoxe, en calquera camiño matemático que sigamos atoparémonos, con algún dos seus resultados: relación de Euler dos elementos dos poliedros, teoría de grafos, recta de Euler, constante de Euler, funcións, logaritmos, variable complexa... E se non aparece algún dos seus resultados compartiremos con el, ignorándoo moitas veces, algunha das súas omnipresentes notacións: f(x), e, π, i, ... De feito Euler está presente, coma se dunha chiscadela da natureza se tratase, na relación máis fermosa das matemáticas; unha relación que liga de forma sutil as cinco constantes numéricas universais máis populares, os números 0, 1, π, e, i,

De feito Euler está presente, coma se dunha chiscadela da natureza se tratase, na relación máis fermosa das matemáticas; unha relación que liga de forma sutil as cinco constantes numéricas universais máis populares, os números.

--------------------------------------

Fórmula de Euler.

En calquera poliedro, a fórmula de Euler indícanos que se C representa o número de caras do poliedro, A representa o número de arestas e V representa o número de vértices do poliedro entón cúmprese sempre a seguinte relación: