Enero 2008: O Rostro Humano das Matemáticas (Galego) - Julio Rey Pastor (1888-1962) |
Martes 01 de Enero de 2008 | |||
Página 31 de 35
JULIO REY PASTOR (1888 - 1962) Nace en Logroño e falece en Bos Aires. Suspende o ingreso á Academia militar e estuda Ciencias Exactas en Zaragoza. Fai o doutoramento en Madrid sobre Xeometría Proxectiva e participa vivamente na creación da Sociedade Matemática Española (1911), da que é secretario. Catedrático de Análise Matemática en Oviedo (1911) e Madrid (1913), segue a súa formación en Alemaña. En 1915 funda o Laboratorio y Seminario Matemático, orixe da nosa mellor investigación matemática. Tras outras viaxes, fixa a súa residencia en Arxentina e xoga un papel capital na modernización da súa matemática. Alterna logo a súa actividade con Madrid, salvo de 1936 a 1947 en que permanece en Arxentina, e axuda a instalarse a matemáticos exiliados españois. Investiga en Xeometría e logo en Análise, aínda que a súa gran produción científica, con 80 libros e máis de 300 artigos, abarca todos os campos da Matemática, algo de Física Matemática, Filosofía e Historia da Ciencia e Educación Matemática. Con todo, a súa obra escrita seica sexa superada pola calidade e paixón das súas clases e conferencias. É o líder e forxador de escola en España, Arxentina e outros países latinoamericanos. No entanto, a súa creación matemática puido resentirse do seu labor como mestre (a matemática española necesitaba máis que un virtuoso solista, un gran director de orquestra). Académico de Ciencias e da Lingua, presidente da Sociedade Matemática Española, director do Instituto Jorge Juan (CSIC)…; foi o mellor matemático español da primeira metade do século XX. Irascible e crítico coa nosa situación de atraso, foi con todo moi desprendido (chegou a sufragar gastos da Sociedade Matemática e da Revista) e xeneroso cos seus discípulos. Logrou un notable avance en toda a Matemática de fala hispana, e foi un dos artífices do renacer de España. -------------------------------------- Os seus manuais universitarios supoñen unha auténtica renovación no ensino matemático superior. Aquí móstranse os tres que posiblemente teñan maior repercusión. |
© Real Sociedad Matemática Española. Aviso legal. Desarrollo web |